Rođen je 21. januara 1935. godine, u Bileći. Gimnaziju učio u Kragujevcu, Bileći i Beranama gdje je maturirao 1953. godine. Diplomirao na Filozofskom fakultetu u Beogradu, grupa istorija, 1959. godine, gdje je i magistrirao (1962). Doktorirao 1972. godine na Filozofskom fakultetu u Ljubljani.
Od 1959. godine radio u Institutu za izučavanje radničkog pokreta, a od 1964. godine u Odjeljenju za istorijske nauke Instituta društvenih nauka u Beogradu. U Institutu za savremenu istoriju u Beogradu radi od 1969. godine, gdje je za naučnog savjetnika izabran 1985. godine. Za redovnog profesora na Filozofskom fakultetu u Novom Sadu izabran je 1989. godine.

Više puta je boravio u inostranstvu (SAD, Kanada, Francuska, Engleska, Austrija, Češka, Slovačka, Rusija i dr) radi naučnih istraživanja i kao predavač po pozivu.
Bio je urednik-sekretar Redakcije drugog izdanja Enciklopedije Jugoslavije za Srbiju od 1978. do 1991. godine. Od 1996. godine naučni je sekretar Srpske enciklopedije SANU.
Glavni je i odgovorni urednik Jugoslovenskog istorijskog časopisa od 1996. godine.
Dobitnik je slovenačke nacionalne nagrade "Sklada Borisa Kidriča" za 1998. godinu.
Objavio je oko 200 stručnih članaka, studija i priloga, kao i sljedeća posebna izdanja: Slovenska ljudska stranka i jugoslovensko ujedinjenje 1918-1921, 1973; Slovenska ljudska stranka in jugoslovansko zedinjenje 1918-1921, 1977; Na istorijskoj prekretnici, Slovenci u po- litici jugoslovenske države 1918-1929, 1985; Na zgodovinski prelomnici, Slovenci v politiki jugoslovanske dr‚ave 1918-1921, 1987; Jugoslavija 1918-1984, Tematska zbirka dokumenata (sa B. Petranovićem), 1984; Jugoslovenski federalizam, Ideje i stvarnost, Tematska zbirka doku- menata (sa B. Petranovićem), 1987, u dva toma; Jugoslavija 1918-1988, Tematska zbirka dokumenata, drugo izmijenjeni i dopunjeno izdanje, 1988; Agonija dve Jugoslavije (sa B. Petranovićem), 1991; Prošlost i vreme. Iz istorije Jugoslavije, 2003.
Za vanrednog člana Crnogorske akademije nauka i umjetnosti izabran je 6. decembra 1996. godine, a za redovnog 12. decembra 2003. godine. U svojstvu predstavnika CANU, član je Internacionalne unije akademija ( International Union of Academies) od 2005. godine.